SPORTS

■ လီဗာပူးလ်ပရိသတ်တွေ နှစ်သက်မယ့်စကားကို ဆိုလိုက်တဲ့ ဂျရတ်

ဗီလာအသင်းနည်းပြ စတီဗင်ဂျရတ်က ရာသီပိတ်ပွဲစဉ်တွင် မန်စီးတီးအသင်းအား တတ်နိုင်သမျှ အခက်တွေ့အောင် ကြိုးပမ်း သွားမည်ဖြစ်ကြောင်း ပြောကြားခဲ့သည်။

ဂျရတ်သည် လီဗာပူးလ်အသင်းခေါင်းဆောင်ဟောင်းဖြစ်ပြီး ၎င်း၏အသင်းဟောင်း ပရီးမီးယားလိဂ်ချန်ပီယံအိပ်မက် အကောင် အထည်ဖော်နိုင်ရန်အတွက် မန်စီးတီးအသင်းအား အခက်တွေ့အောင် ကြိုးပမ်းမည်ဖြစ်ကြောင်း ပြောကြားခဲ့ခြင်းဖြစ်သည်။

“မန်ချက်စတာစီးတီးနဲ့ပွဲအတွက် ကျွန်တော်တို့မှာ ပြင်ဆင်ချိန် အနည်းငယ်ပဲ ရှိပါတယ်။ ကျွန်တော်တို့အနေနဲ့ တတ်နိုင်သမျှ သူတို့ကို အခက်တွေ့အောင် ကြိုးစားသွားမှာပါ။ ကျွန်တော်တို့ တတ်နိုင်သမျှ ရင်ဆိုင်တိုက်ပွဲဝင်သွားမှာပါ။ ကျွန်တော်တို့ရဲ့ အကောင်းဆုံးကန်သွင်းမှုတွေနဲ့ ရာသီပိတ် နောက်ဆုံးနေ့မှာ ပရိသတ်တွေ ဂုဏ်ယူရအောင် ကြိုးစားသွားမှာပါ”ဟု ဂျရတ်က ဘန်လေအသင်းနှင့် သရေကျသည့်ပွဲအပြီးတွင် ပြောကြားသည်။

ယခုရာသီ ပရီးမီးယားလိဂ်ချန်ပီယံဆုမှာ ရာသီပိတ်ပွဲစဉ်မှ အဖြေထွက်ပေါ်မည်ဖြစ်ပြီး မန်စီးတီးအသင်းက ဗီလာနှင့် အိမ်ကွင်း၊ လီဗာပူးလ်အသင်းက ဝုလ်ဗ်နှင့် အိမ်ကွင်း ကစားရမည်ဖြစ်သည်။

လက်ရှိအခြေ အနေအရ မန်စီးတီးအသင်းအနေဖြင့် ဗီလာကို အနိုင်ရပါက ချန်ပီယံဆုကာကွယ်နိုင်မည်ဖြစ်ပြီး လီဗာပူးလ်အသင်းမှာမူ နိုင်ပွဲရရန်အပြင် မန်စီးတီး အမှတ်လျော့ရန်လည်း လိုအပ်နေသည်။ ပရီးမီးယားလိဂ်ချန်ပီယံဆု ချီးမြှင့်ပွဲအခမ်းအနားကို ကွင်းနှစ်ခုစလုံးတွင် ပြုလုပ်ရန် ပြင်ဆင်ထားကြောင်း သိရသည်။

 

You cannot copy content of this page